ابزال اجعاليەۆ پەن ەكاتەرينا ايدوۆا بەيجىڭدە ق ر تۋىن ۇستاپ شىعادى

قازاقپارات بۇل تۋرالى ق ر ۇلتتىق وليمپيادا كوميتەتىنە سىلتەمە جاساپ حابارلايدى.

قىسقى وليمپياداداعى قازاقستان كومانداسىنىڭ فورماسى قانداي ەكاتەرينا ايدوۆا العاش رەت 2010-جىلى ۆانكۋۆەر وليمپياداسىنا قاتىسقان. كەيىن سوچي-2014 جانە پحەنچحان-2018 ويىندارىندا ەل نامىسىن قورعادى. 30 جاستاعى ايدوۆا ءۇشىن بەيجىڭ ويىندارى ءوز مانسابىنداعى ءتورتىنشى وليمپيادا بولماق.

تاجىريبەلى سپورتشى كونكيمەن جۇگىرۋدەن الەم كۋبوگى كەزەڭىنىڭ، 2017-جىلعى ۋنيۆەرسيادا ويىندارىنىڭ جۇلدەگەرى، 2021-جىلعى ءتورت قۇرلىق چەمپيوناتىنىڭ جەڭىمپازى.

«قىسقى وليمپيادا ويىندارىنىڭ اشىلۋ سالتاناتىندا ەلىمىزدىڭ بايراعىن كوتەرىپ شىعاتىن العاشقى قازاقستاندىق سپورتشى قىز ەكەنىمدى ماقتان تۇتامىن. كوپتەگەن اتلەتتەر ءۇشىن بۇل العاشقى وليمپيادا، ال كەيبىرەۋلەرى ءتورتجىلدىق دوداسىنا بىرنەشە رەت قاتىسقان. الايدا، وليمپياداعا قانشا رەت قاتىسساڭ دا، ونداعى سەزىم وزگەرمەيدى. ەلىڭ ءۇشىن ماقتاناسىڭ جانە ۇلكەن جاۋاپكەرشىلىك بارىن تۇسىنەسىڭ. بەيجىڭدە ەل ءۇمىتىن اقتاۋ ءۇشىن بار كۇشىمىزدى سالامىز»، - دەدى ەكاتەرينا ايدوۆا.

ابزال اجىعاليەۆتىڭ ەنشىسىندە شورت-ترەكتەن الەم كۋبوگى كەزەڭدەرىنىڭ بارلىق جۇلدەسى بار. 2017-جىلعى ۋنيۆەرسيادا، 2011-جىلعى ازيا ويىندارىنىڭ مەدالى دە قورجىننان تابىلادى. ابزال 2014 جانە 2018-جىلدارداعى وليمپياداعا قاتىسىپ، پحەنچحاندا قازاقستاننىڭ تۋىن كوتەرىپ شىققان بولاتىن. ول مۇنداي قۇرمەتكە ەكىنشى رەت يە بولىپ وتىر.

«وليمپيادا ويىندارىندا قازاقستاننىڭ تۋىن الىپ شىعۋ - ابىروي. ەلىڭنىڭ بايراعىن اشىلۋ سالتاناتىندا كوتەرىپ شىققانداعى سەزىم ءومىر بويى ۇمىتىلمايدى. بىزگە سەنىم ارتقان بارشا جانكۇيەرگە العىسىمىز شەكسىز. بارلىق وليمپياداشىلار اتىنان بۇل باسەكەنى اسىعا كۇتكەنىمىزدى ايتقىم كەلەدى. سپورتشىلارعا دايىندالۋ ءۇشىن بار جاعداي جاسالدى. ەلدە دە، شەتەلدە دە دايىندالدىق. ەندى وليمپيادا ايدىنىندا ەل نامىسىن ابىرويمەن قورعاۋ ءۇشىن بارىمىزدى سالامىز»، - دەدى ابزال اجىعاليەۆ.

قىسقى وليمپيادا ويىندارىنىڭ اشىلۋ سالتاناتى 4- اقپان كۇنى بەيجىڭدەگى ۇلتتىق ستاديوندا وتەدى.

ەسكە سالايىق، بۇگىن ق ر پرەزيدەنتى قاسىم-جومارت توقايەۆ قازاقستاننىڭ وليمپيادا جانە پاراليمپيادا ۇلتتىق قۇرامالارىنىڭ مۇشەلەرىمەن كەزدەستى.