ازاماتتارعا كۇش قولدانۋدىڭ ءاربىر فاكتىسى مۇقيات زەرتتەلەدى - ءىء ى م
«ءى ءى م ازاماتتارعا قاتىستى كۇش قولدانۋ فاكتىلەرىنە باسا دەن قويادى. ءاربىر فاكت پوليتسيا عيماراتتارىندا جانە قوعامدىق ورىنداردا ورناتىلعان بەينەكامەرالاردى تالداۋ ارقىلى مۇقيات زەرتتەلەدى»، - دەدى ول مينيسترلىكتىڭ اقپارات الاڭىندا وتكەن بريفينگىدە.
بۇعان دەيىن تارتىپسىزدىكتەر كەزىندە جاراقات العان 23 ادام كۇزەتىلەتىن پالاتالاردا ەم الىپ جاتقانى ايتىلعان ەدى.
«قاڭتار ايىندا بولعان جاپپاي تارتىپسىزدىكتەر كەزىندە پوليتسيا كۇشتەرى مەن اسكەري قىزمەتشىلەر ەلدە قۇقىقتىق ءتارتىپتى ورناتۋ بويىنشا اۋقىمدى وپەراتسيالار جۇرگىزدى. تەرگەۋ يزولياتورىنىڭ ىشكى ءتارتىپ قاعيدالارىنا سايكەس، ۋاقىتشا ۇستاۋ يزولياتورىنا تۇسكەن بارلىق ادامدار COVID-19 ۆيرۋسىنا پ ت ر- تەستەرىنىڭ تەرىس ناتيجەسىمەن قابىلدانادى جانە مىندەتتى تۇردە مەديتسينالىق تەكسەرۋدەن وتەدى. دەنە جاراقاتتارى نەمەسە اۋرۋلارى انىقتالعان كەزدە ولارعا دەرەۋ مەديتسينالىق كومەك كورسەتىلۋدە. ءاربىر وسىنداي فاكت تۋرالى پروكۋراتۋرا ورگاندارىنا حابارلانادى. مەكەمەدە بىلىكتى مەديتسينالىق كومەك كورسەتۋ بولماعان جاعدايدا ولار ازاماتتىق دەنساۋلىق ساقتاۋ ۇيىمدارىنا جەتكىزىلىپ، كۇزەتىلەتىن پالاتالاردا ەمدەلەدى. بۇگىندە وسىنداي تارتىپپەن 23 ادام ەم الۋدا»، - دەگەن بولاتىن نۇردىلدا وراز.
اۆتور: ەسىمجان ناقتىباي