جانىبەك ءالىمحان ۇلى الەمنىڭ پەرسپەكتيۆتى التى بوكسشىسىنىڭ قاتارىنا كىردى

ولاردىڭ قاتارىنا بۇرىن- سوڭدى جەڭىلىپ كورمەگەن ورتا سالماقتاعى قازاقستاندىق بوكسشى جانىبەك ءالىمحان ۇلى كىردى. ول 19 بوكسشىنىڭ ىشىندە التىنشى بولدى.

«Top Rank پروموۋتەرلىك كومپانياسى مەن مەنەدجەرى ەگيس كليماستىڭ قامقورلىعىنداعى سولاقاي ءالىمحان ۇلى جاقسى كوتەرىلىپ كەلەدى، قازىردىڭ وزىندە ونى زاڭدى ۇمىتكەر دەپ تانۋعا بولادى. ول 2016 -جىلعى وليمپيادا ويىندارىندا قازاقستان قۇراماسىنىڭ اتىنان ونەر كورسەتتى. سونىمەن قاتار 2013 -جىلعى الەم چەمپيوناتى، 2013 جانە 2014 -جىلدارداعى ازيا چەمپيوناتتارىندا «التىن» يەلەنگەن. ول كاسىبي بوكسشسى رەتىندە تەز كوتەرىلدى، سوڭعى ايقاستارىندا ورتا سالماقتاعى بۇرىنعى تيتۋل يەلەرى روب برانت پەن حاسسان ندام نجيكامدى نوكاۋتقا جىبەردى. ءقازىر ول WBO الەم چەمپيونى دەمەتريۋس اندرادەمەن ايقاساتىن دارەجەگە جەتتى»، - دەپ جازدى رافاەل Fight Freaks Unite سايتىنداعى كولونكاسىندا.

ۇزدىك ءۇش بوكسشى قاتارىنا دجارەد اندەرسون (ا ق ش، اسا اۋىر سالماق)، كساندەر زاياس (پۋەرتو- ريكو، ءبىرىنشى ورتا سالماق) پەن كونور بەنن ( ۇلى بريتانيا، جارتىلاي ورتا سالماق) كىردى.