ۇكىمەت مەملەكەت باسشىسىنىڭ تاپسىرمالارىن ىسكە اسىرۋ بويىنشا كەشەندى شارالار قابىلدادى

بيىلعى 5- قاڭتاردا تۇرعىندار ءۇشىن كوممۋنالدىق قىزمەتتەردىڭ (جىلۋمەن جابدىقتاۋ، سۋمەن جابدىقتاۋ، سۋ تارتۋ، ەلەكترمەن جابدىقتاۋ، گازبەن جابدىقتاۋ) تاريفتەرى مەن باعالارىن وسىرۋگە 180 كۇنگە موراتوري ەنگىزىلدى.

«قازاقستان حالقىنا» قوعامدىق الەۋمەتتىك قورى (ق ءا ق) قۇرىلدى، قازىردىڭ وزىندە بيزنەس سۋبەكتىلەرى وعان 20 ميلليارد تەڭگەدەن استام قارجى اۋداردى. ەلدەگى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىل جوسپارىن ىسكە اسىرۋ باستالدى. ىشكى ىستەر ورگاندارىنىڭ بولىمشەلەرىن ماتەريالدىق- تەحنيكالىق قامتاماسىز ەتۋدى نىعايتۋ ءۇشىن ءى ءى م- گە قاجەتتى قاراجات ءبولىندى. تارتىپسىزدىكتەر كەزىندە قىزمەتتىك اۆتوكولىكتەرى جويىلعان وڭىرلەردەگى پوليتسيا دەپارتامەنتتەرىنە 457 پاترۋلدىك اۆتوموبيل مەن 70 اۆتوبۋس جەتكىزىلدى. جاپپاي تارتىپسىزدىكتەردەن زارداپ شەككەن ازاماتتار مەن زاڭدى تۇلعالارعا بانك الدىنداعى قارىزدارى مەن ميكروكرەديتتەرىن وتەۋ مەرزىمىن كەيىنگە شەگەرۋ مۇمكىندىگى بەرىلدى.

بيزنەسكە جۇكتەمەنى تومەندەتۋ ءۇشىن مەملەكەتتىك كىرىستەر ورگاندارىنىڭ باستاماسى بويىنشا باستالعان سالىقتىق جانە كەدەندىك تەكسەرۋلەر، سونداي- اق كامەرالدىق باقىلاۋ بويىنشا حابارلامالار بەرۋ توقتاتىلدى. ۇكىمەتتىك كوميسسيا ش و ب سۋبەكتىلەرىنە تارتىپسىزدىك كەزىندە كەلتىرىلگەن زالالدى وتەۋ تەتىگىن بەكىتتى. جاقىندا ۇكىمەت رەزەرۆىنىڭ قاراجاتى ەسەبىنەن كاسىپكەرلەرگە جىلجىمايتىن، جىلجىمالى مۇلىك بويىنشا، سونداي- اق جوعالعان (ۇرلانعان) تاۋارلىق- ماتەريالدىق قۇندىلىقتار بويىنشا كەلتىرىلگەن زالالدى وتەۋ باستالادى. ۇكىمەت «جاسىل دامۋ» مەملەكەتتىك كومپانياسىن ۋتيليزاتسيالىق تولەمدەردى جيناۋ وپەراتورى رەتىندە بەلگىلەدى، ونىڭ % 100 اكسياسى مەملەكەتكە تيەسىلى.

«و ك م وپەراتورى» ج ش س- نىڭ بۇعان دەيىن جينالعان قاراجاتى مەملەكەت مەنشىگىنە ءوتتى. ۋتيليزاتسيالىق تولەمدەردىڭ مولشەرلەمەلەرى مەن پايدالانۋ تەتىكتەرى بويىنشا ۇسىنىستار ازىرلەۋ ءۇشىن ازاماتتىق جانە بيزنەس قوعامداستىقتىڭ قاتىسۋىمەن الاڭ قۇرىلدى. حالىقتىڭ الەۋمەتتىك وسال توپتارىن قولداۋ ماقساتىندا ازاماتتاردىڭ جەكەلەگەن ساناتتارىنا قايتالاما تۇرعىن ءۇيدى جالعا العانى ءۇشىن تولەم تاعايىنداۋ جانە ونى جۇزەگە اسىرۋ قاعيدالارى ازىرلەندى. ازاماتتارعا زارداپ شەككەندەر مەن حابار- وشارسىز كەتكەندەر تۋرالى اقپارات بەرۋ ءۇشىن 1414 call-ورتالىعىنىڭ بازاسىندا تاۋلىك بويى جۇمىس ىستەيتىن تىكەلەي جەلى اشىلدى. ازاماتتارعا كەڭەس بەرۋ ءۇشىن 150 وپەراتور تارتىلىپ، 200 مىڭنان اسا قوڭىراۋ قابىلداندى.

كوممۋنالدىق قىزمەتتەر، قوعامدىق كولىك جانە الەۋمەتتىك ينفراقۇرىلىم نىساندارىنىڭ جۇمىسى تۇراقتالدى. قارجى جۇيەسىنىڭ، ساۋدا نىساندارىنىڭ، كولىك تاسىمالدارى مەن قاتىناستارىنىڭ بارلىق ءتۇرىنىڭ تۇراقتى جۇمىسى قامتاماسىز ەتىلدى. ۇكىمەت ەلەكتروندىق ساۋدا الاڭىنداعى گاز ساۋداسىن 2023 -جىلعى 1- قاڭتارعا دەيىن شەگەردى. سونىمەن قوسا، ەنەرگەتيكا مينيسترلىگى نارىق قاتىسۋشىلارىمەن بىرلەسىپ، باعانىڭ نەگىزسىز وسۋىنە جول بەرمەۋ جانە اشىقتىعىن قامتاماسىز ەتۋ ماقساتىندا ەلەكتروندىق الاڭدا سۇيىتىلعان مۇناي گازىن ساتۋ تەتىگىن جەتىلدىرۋ جۇمىسىن باستادى. ۇكىمەت مەملەكەت باسشىسىنىڭ جاڭا قازاقستاندى قۇرۋعا جانە الەۋمەتتىك- ەكونوميكالىق ءوسۋدى ءارى قاراي قامتاماسىز ەتۋگە باعىتتالعان تاپسىرمالارىن جەدەل ءارى ساپالى ورىنداۋ بويىنشا شارالاردى قابىلداۋدى جالعاستىرادى.