اشۋدى جەڭۋدىڭ ادىستەرى

1. سۋىق. ءبىر ستاقان سۋىق سۋ، مۇز، بالمۇزداق.. . كەز كەلگەن سۋىق تاعامدى جەپ، بەتىڭىزگە سۋىق باسىپ، سالقىن سۋدى ىشسەڭىز، دەنەڭىز سەرگىپ، اشۋىڭىز باسىلادى. مۇنىڭ سەبەبى مىنادا ەكەن: اشۋلانعاندا دەنە تەمپەراتۋراسى كوتەرىلەدى، ال سالقىن سۋ ونى باسا الادى.

2. اشۋدان قاشىڭىز. تىنىشتالا المايتىنداي قاتتى اشۋلانساڭىز، تەز ءجۇرىپ، جۇگىرىڭىز. ويشا اشۋىڭىز ارتىڭىزدان ۇلگەرمەي، ارتتا قالدى دەپ ەلەستەتىڭىز. ىزالانعان جەردە كەز كەلگەن ۇساق- تۇيەك ەسىڭىزگە سول سەزىمدى ورالتادى، سوندىقتان مۇنداي ساتتەردە، باسقا جەرگە، كوشەگە، ساياباققا شىعىپ، ءجۇرىپ كەلىڭىز.

3. جاتتىعۋلار. قاراپايىم جاتتىعۋلار جاساپ (وتىرىپ- تۇرۋ، پرەسس جاتتىعۋلارى)، اشۋ بويىڭىزدان شىعىپ كەتىپ جاتقانىن سەزىنىڭىز.

4. سابىرلىقتى جاتتىقتىرىڭىز. قانداي جاعداي بولماسىن، سالقىن قاندى بولىپ ۇيرەنىڭىز. ارينە، ءبىرىنشى كەزدەرى بۇل وڭاي بولمايدى، الايدا ۋاقىت وتە ءسىز ۇساق- تۇيەكتەرگە ءمان بەرمەي، كەيىن اياق استى تۋىنداعان قيىندىقتارعا دا ءتوزىمدى بولا الاسىز.

5. اشۋدى جازىپ الىڭىز. ىزاڭىز كەتپەي قويسا، ونى قاعاز بەتىنە جازىپ الىڭىز. قالاعانىڭىزشا جازىڭىز، ەش شەكتەلمەڭىز. بىرەۋ مۇنى وقيدى دەپ ويلاماڭىز، جاي عانا بار اشۋىڭىزدى جازىپ شىعىڭىز. كەز كەلگەن ءسوزدى قولدانىڭىز. بۇل ءادىس ۇيالشاق، جالعىزدىقتى ۇناتاتىن جاندارعا تاپتىرماس شەشىم. وسىلايشا اشۋدى ىشتە ساقتاماي، ودان ارىلۋعا بولادى.

6. اشۋدىڭ سەبەپتەرى قانداي؟ وسى جولى نە ءۇشىن اشۋلانعانىڭىزدى انىقتاپ، كەلەسىدە وعان جول بەرمەڭىز. اركىمنىڭ وسال جەرى بولادى. بىرەۋ ءۇشىن وتباسى، باسقا ءۇشىن اقشا «اۋىر» تاقىرىپ. ءوزىڭىزدىڭ وسالدىعىڭىزدى انىقتاپ، بولاشاقتا سول جايلى اڭگىمە قوزعالعاندا ءوزىڭىزدى بىردەن قولعا الىپ، باسقالاردىڭ اۋىر سوزدەرىنە ءمان بەرمەۋگە تىرىسىڭىز.

Massaget.kz