قازاقستان مەن قىتاي اراسىنداعى ىنتىماقتاستىق تەڭدەسسىز ديناميزمىمەن ەرەكشەلەنەدى - توقايەۆ

None
نۇر- سۇلتان. قازاقپارات - قازاقستان مەن قىتاي اراسىنداعى ىنتىماقتاستىق تەڭدەسسىز ديناميزمىمەن ەرەكشەلەنەدى. بۇل تۋرالى مەملەكەت باسشىسى قاسىم- جومارت توقايەۆ «ورتالىق ازيا – ق ح ر» سامميتىندە ايتتى، دەپ حابارلايدى قازاقپارات ءتىلشىسى.

«ءبىزدىڭ كەزدەسۋىمىز شىن مانىندە تاريحي داتاعا - ورتالىق ازيا مەملەكەتتەرى مەن قىتاي اراسىنداعى ديپلوماتيالىق قارىم- قاتىناستىڭ ورناۋىنىڭ 30 جىلدىعىنا ارنالعان. ءبىزدىڭ ءوزارا قاتىناسىمىزدىڭ تاريحى عاسىرلار قويناۋىنان تامىر الادى. ءبىز تاتۋ كورشىلىك پەن ءوزارا ءتيىمدى ىنتىماقتاستىقتىڭ تابىستى تاجىريبەسىن شىنايى باعالايمىز. قۇرمەتتى ءتوراعا شي جينپيڭ، ءسىزدىڭ بەدەلدى ءارى ءتيىمدى باسشىلىعىڭىزدىڭ ارقاسىندا قىتاي حالىق رەسپۋبليكاسى ءوز دامۋىندا تاڭعالارلىق تابىسقا قول جەتكىزدى. ابسوليۋتتى كەدەيشىلىك تۇبەگەيلى جويىلدى. ەكونوميكادا تاماشا سەرپىلىس جاسالدى، عىلىم جوعارى دەڭگەيگە شىقتى. بۇگىندە قىتاي پروگرەسستىڭ بارلىق نەگىزگى كورسەتكىشتەرى بويىنشا الەمدىك كوشباسشىلار توبىنا لايىقتى ەندى»، - دەدى مەملەكەت باسشىسى

قازاقستان پرەزيدەنتى قىتاي ەكسپرەسى بۇرىن بولىپ كورمەگەن جىلدامدىق الىپ، ءوزىنىڭ سوڭىنان تەك جەكەلەگەن ەلدەردى عانا ەمەس، سونىمەن بىرگە بۇكىل ءوڭىردى سەنىمدە جەتەلەپ كەلە جاتقانىن باسا ايتتى.

«ولاردىڭ قاتارىنا ورتالىق ازيا مەملەكەتتەرى دە كىرەدى. قازاقستان مەن قىتاي اراسىنداعى ىنتىماقتاستىق تەڭدەسسىز ديناميزمىمەن، جوعارى سەنىم جانە شىنايى تاتۋ كورشىلىكپەن ەرەكشەلەنەدى. 2019 -جىلدىڭ قىركۇيەگىندەگى قىتايعا مەملەكەتتىك ساپارىم بارىسىندا ەلدەرىمىز اراسىنداعى ماڭگىلىك جان- جاقتى ستراتەگيالىق سەرىكتەستىك تۋرالى دەكالاراتسياعا قول قويىلدى. بۇل وقيعا قازاقستان مەن قىتاي اراسىنداعى ىنتىماقتاستىقتىڭ جاڭا كوكجيەگىن اشتى»، - دەپ اتاپ ءوتتى قاسىم- جومارت توقايەۆ.

اۆتور: مارلان جيەمباي


سوڭعى جاڭالىقتار