ق ر پرەزيدەنتى «قىتاي مەن ورتالىق ازيا حالىقتارىنىڭ دوستىعى» فورۋمىن وتكىزۋ باستاماسىنا قولداۋ ءبىلدىردى
«ءسىزدىڭ «قىتاي مەن ورتالىق ازيا حالىقتارىنىڭ دوستىعى» فورۋمىن وتكىزۋ باستاماڭىزدى قولدايمىز. ءبىلىم بەرۋ، مادەنيەت جانە تۋريزم سالاسىنداعى قازىرگىدەن دە تىعىز ارىپتەستىك تۋرالى باستاماڭىزدى دا قولدايمىز. ءبىز ءسىزدىڭ مامانداردى وقىتۋ كۋرستارىن ۇيىمداستىرۋ جانە سوعان قاجەتتى قاراجات ءبولۋ تۋرالى ايتقان ۇسىنىڭىزعا ريزامىز»، - دەدى مەملەكەت باسشىسى.
قازاقستان پرەزيدەنتى بۇل سامميتتىڭ باستى ماقساتتارىنىڭ ءبىرى ءوڭىردىڭ الەۋەتىن نىعايتۋ ەكەنىن ەسكە سالدى.
«قۇرمەتتى ارىپتەستەر! بۇگىنگى سامميتتىڭ نەگىزگى مىندەتتەرىنىڭ ءبىرى - ورتالىق ازيانىڭ الەۋەتىن اشا ءتۇسۋدىڭ جاڭا تەتىكتەرىن تابۋ. وڭىرىشىلىك ارىپتەستىك كەيىنگى جىلدارى جاڭا دەڭگەيگە شىقتى. بۇل ىستە مەملەكەتتەردىڭ سەنىمگە ارقا سۇيەگەن ديالوگى، ونىڭ ىشىندە تۇراقتى كونسۋلتاتيۆتىك كەزدەسۋلەر فورماتىنداعى بايلانىستار نەگىزگى ءرول اتقارادى»، - دەدى پرەزيدەنت.
ايتا كەتەيىك، مەملەكەت باسشىسى قاسىم- جومارت توقايەۆ «ورتالىق ازيا - ق ح ر» سامميتىنە قاتىسۋدا. سامميتكە ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزييەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون بەينەكونفەرەنسيا رەجيمىندە قاتىسىپ وتىر.
اۆتور: ەسىمجان ناقتىباي