«وميكروندى» ەمدەۋگە ارنالعان سەگىز پرەپارات انىقتالدى
بۇل كەنت ۋنيۆەرسيتەتى مەن گەتە اتىنداعى فرانكفرۋت ۋنيۆەرسيتەتى عالىمدارى جۇرگىزگەن زەرتتەۋلەر ناتيجەسىندە انىقتالدى، دەپ حابارلايدى قازاقپارات Cell Research باسىلىمىنا سىلتەمە جاساپ.
كلەتكالاردى زەرتتەۋ ناتيجەسى «وميكروننىڭ» سەگىز ۆيرۋسقا قارسى پرەپاراتتارعا جانە كوروناۆيرۋستىق ينفەكتسيانى ەمدەۋگە ارنالعان ءدارى- دارمەككە سەزىمتال ەكەنىن كورسەتتى. ولارعا EIDD-1931 (مولنۋپيراۆيردىڭ بەلسەندى مەتابوليتى)، ريباۆيرين، رەمدەسيۆير، فاۆيپراۆير، PF-07321332 (نيرماترەلۆير، پاكسلوۆيدتىڭ بەلسەندى ينگرەديەنتى)، نافاموستات، كاموستات جانە اپروتينين جاتادى.
سونداي- اق عالىمدار «وميكرون» جۇقتىرعان ناۋقاستاردىڭ دەرتتىڭ اۋىر تۇرلەرىمەن ازىراق اۋىراتىن سەبەبىن دە اتادى. بۇل شتامم دەنەنىڭ بارلىق جاسۋشالارىندا بولاتىن ينتەرفەرون دەپ اتالاتىن رەاكتسيانىڭ باسىلۋىنا ەرەكشە سەزىمتال بولاتىندىعىنا بايلانىستى.