ءبىرتانوۆ ءىسى: سوت دەنساۋلىق ساقتاۋ مينيسترلىگىنىڭ وكىلىن الدىن الا تىڭداۋ پروتسەسىنەن شەتتەتتى

None
None
نۇر-سۇلتان. قازاقپارات - بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءىسى بويىنشا الدىن الا سوت تىڭداۋىنان دەنساۋلىق ساقتاۋ مينيسترلىگىنىڭ ءبىر وكىلى شەتتەتىلدى، دەپ حابارلايدى.

الدىن الا تىڭداۋ بارىسىندا نۇر-سۇلتان قالاسى سارىارقا اۋداندىق 2№ سوتىنىڭ سۋدياسى يبراگيم الكەنوۆ ايىپتالۋشى تاراپتان ايىپتاۋ قۇجاتتارىنا قاتىستى قانداي دا ءبىر قارسىلىق، شاعىمدارى بار-جوعىن سۇرادى.

سوتتالۋشىلار ەلجان ءبىرتانوۆ پەن ونىڭ ورىنباسارى بولعان ولجاس ابىشيەۆتىڭ ادۆوكاتتارى ايىپتاۋ ماتەريالىمەن تانىسىپ ۇلگەرمەگەنىن ايتىپ، ءىستى مەملەكەتتىك ايتىپتاۋشىلارعا قايتارۋ تۋرالى ۇسىنىس بەردى.

ولجاس ابىشيەۆتىڭ ادۆوكاتى سارسەن تولەنتايەۆ ايىپتاۋ ماتەريالىمەن تولىق تانىسىپ شىعۋ ءۇشىن كەمىندە ءبىر جىل ۋاقىت كەرەك ەكەنىن ايتتى.

ايتا كەتەيىك، 17- قاڭتاردا بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ۇستىنەن قوزعالعان قىلمىستىق ءىس سوتقا تۇسكەنى تۋرالى حابار تاراعان بولاتىن.

ال 20- قاڭتاردا اتالمىش ءىس بويىنشا الدىن الا تىڭداۋ 26- قاڭتاردا وتەتىنى بەلگىلى بولدى.

ەلجان ءبىرتانوۆ 2020-جىلدىڭ 3- قاراشاسىندا بيۋجەت قاراجاتىن ىسىراپ ەتتى دەگەن كۇدىكپەن قاماۋعا الىنعان بولاتىن.

سوڭعى جاڭالىقتار