20:13, 26 - قاڭتار 2022 | GMT +6
ورتا سالماقتىڭ ەكس پاتشاسى گولوۆكينمەن ايقاس تۋرالى مالىمدەمە جاسادى
نۇر-سۇلتان. قازاقپارات - ورتا سالماقتىڭ بۇرىنعى پاتشاسى، ارگەنتينالىق اڭىز سەرحيو مارتينەس (54-3-2، 30 KO) التى جىل ۇزىلىستەن كەيىن قازاقستاندىق گەننادي گولوۆكينمەن (41-1-1، 36 ك و) جەكپە-جەككە شىققىسى كەلەتىنىن مالىمدەدى، دەپ حابارلايدى Boxing News.
«مەن رينگكە ورالعان كەزدەگى ماقساتىم مۋراتامەن كەزدەسۋ ەدى. ءبىراق مەن قارسىلاسىم باسقا دا بوكسشى بولۋى مۇمكىن، ماسەلەن، كريس يۋبەنك، ءتىپتى گولوۆكين. شىنىن ايتقاندا گولوۆكين سياقتى قارسىلاسپەن كەزدەسەتىنىم، وسىنداي قاۋىپكە باراتىنىم مەنى قاتتى ىنتالاندىرادى. مۇنداي ايقاستا ومىرىمە قاۋىپ تونەتىنىن بىلەمىن، ءبىراق، بۇل مەنى جاتتىعا تۇسۋگە جىگەرلەندىرەدى»، - دەيدى مارتينەس.