«قازاقستان حالقىنا» قورىنا ەڭ ءىرى سوما ءتۇستى

بۇل تۋرالى Sputnik سايتى حابارلايدى.

وسىلايشا، ەكى كومپانيا پرەزيدەنت قاسىم-جومارت توقايەۆتىڭ باستاماسىن قولداپ وتىرعانىن مالىمدەدى.

- «2014-جىلعى قايتا قۇرىلىمداۋعا دەيىن ءوز قىزمەتىن ورتاق برەندپەن جۇرگىزگەن قازاقمىس پەن KAZ Minerals الەۋمەتتىك ماسەلەلەردى شەشۋ جولىندا قازاقستان حالقىن قولداۋعا جانە حالىقتىڭ الەۋمەتتىك وسال توپتارىنا كومەكتەسۋگە دايىن»، - دەلىنگەن رەسمي حابارلامادا.

بۇعان دەيىن بۇقارالىق اقپارات قۇرالدارىندا جاريالانعان اۋدارىمداردىڭ ىشىندە بۇل الەۋمەتتىك قورعا قۇيىلعان ەڭ ءىرى سوما بولىپ سانالادى. 20- قاڭتارعا دەيىن تانىمال كاسىپكەرلەر، زاڭدى تۇلعالار مەن قاراپايىم حالىقتان بارلىعى 19,5 ميلليارد تەڭگە تۇسكەن.

سونىڭ ىشىندە «Kaspi bank» ا ق قۇرىلتايشىلارى ۆياچەسلاۆ كيم مەن ميحايل لومتادزە - 10 ميلليارد تەڭگە، «حالىق» قايىرىمدىلىق قورى - 2 ميلليارد تەڭگە، «ستەپنوگورسك تاۋ-كەن كومبيناتى» ج ش س - 350 ميلليون تەڭگە جانە تاعى باسقا كاسىپورىندار بار. سونداي-اق، نۇرسۇلتان نازاربايەۆ قورىنان 500 ميلليون تەڭگە اۋدارىلدى.

«قازاقستان حالقىنا» قورىنىڭ باسشىسى بولات جامىشيەۆتىڭ ەسەبىنە سايكەس، 150 ميلليارد تەڭگەگە دەيىن اقشا ءتۇسۋى كەرەك.

ايتا كەتەرى، مەملەكەت باسشىسى قاسىم-جومارت توقايەۆتىڭ تاپسىرماسىمەن «قازاقستان حالقىنا» قورى قۇرىلعان بولاتىن.

قوردىڭ اقشاسى ەسەبىنەن دەنساۋلىق ساقتاۋ، ءبىلىم، الەۋمەتتىك قولداۋ سالاسىنداعى ناقتى پروبلەمالار شەشىلەدى.

سونداي-اق قازا بولعان پوليتسەيلەر مەن اسكەري قىزمەتشىلەردىڭ وتباسىلارىنا كومەك بەرىلەدى.