سورا ۇرىعىن شەكارادان الىپ وتپەك بولعان شەتەلدىك ۇستالدى
بۇل تۋرالى تۇركىستان وبلىستىق پوليتسيا دەپارتامەنتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.
«كۇدىكتى «بەلكا» لاقاپ اتتى قىزمەتتىك ءيتتىڭ بەلگىسىنەن كەيىن توقتاتىلدى.
ەر ادامنان ەسىرتكى زاتىنا ۇقساس داندەر تابىلدى. اتالعان دەرەكتى ءتارتىپ ساقشىلارى ق ر ق ك 286-بابى 1-بولىگى «اينالىستان الىپ قويعان زاتتاردىڭ نەمەسە اينالىسى شەكتەلگەن زاتتاردىڭ كونترابانداسى» بويىنشا تىركەۋگە الدى. پوليتسەيلەر كۇدىكتىنىڭ قالتاسىنان الىنعان زاتقا سوت ساراپتاماسىن تاعايىنداپ، ناتيجەسىندە ونىڭ سورا وسىمدىگىنىڭ ۇرىعى ەكەندىگى انىقتالدى»، - دەلىنگەن پ د مالىمدەمەسىندە.
بەلگىلى بولعانىنداي، كۇدىكتى - وزبەكستاننان قازاقستانعا وتپەك بولعان وزگە ەلدىڭ ازاماتى.
ول سورا وسىمدىگىنىڭ ۇرىعىن بودەنە قۇسىنا جەم رەتىندە الىپ كەلە جاتقانىن ايتقان. سوتقا دەيىنگى تەرگەۋ امالدارى ءجۇرىپ جاتىر.
ەسكە سالساق، تۇركىستان وبلىسى سارىاعاش اۋداندىق پوليتسيا ءبولىمىنىڭ قىزمەتكەرلەرى بۇعان دەيىن «گاشيش» ەسىرتكىسىن الىپ وتپەك بولعان وزبەكستان ازاماتىن ۇستاعان بولاتىن.