15:56, 19 - مامىر 2022 | GMT +6
كاسپي جاعالاۋىنان تاعى دا يتبالىقتاردىڭ ولەكسەسى تابىلدى
اقتاۋ. قازاقپارات - يتبالىقتاردىڭ قىرىلۋ سەبەپتەرى انىقتالىپ جاتىر، دەپ حابارلايدى قازاقپارات ءتىلشىسى.
يتبالىقتاردىڭ ەكى ولەكسەسىن ءتۇپقاراعان اۋدانى فورت-شيەۆچەنكو قالاسىنىڭ جاعالاۋىندا جەرگىلىكتى تۇرعىن تاۋىپ العان.
اۋدان اكىمدىگى حابارلاعانداي، قازىرگى ۋاقىتتا ءولى يتبالىقتاردى جيناۋ جانە كادەگە جاراتۋ جۇمىستارى ءجۇرىپ جاتىر.
بۇعان دەيىن كاسپي تەڭىزىنىڭ ماڭعىستاۋ بولىگىنەن 94 يتبالىقتىڭ ولەكسەسى تابىلعانى حابارلانعان بولاتىن.
كەيىننەن تاعى 64 يتبالىقتىڭ ولەكسەسى مەن بەس بەكىرە تۇقىمداس بالىق تابىلعان ەدى.