19:23, 20 - مامىر 2022 | GMT +6
زەلەنسكي جىلدىڭ ەڭ ىقپالدى ادامى اتاندى
نۇر-سۇلتان. قازاقپارات - امەريكالىق Time جۋرنالى وقىرماندارى ۋكراينا پرەزيدەنتى ۆلاديمير زەلەنسكيدى جىلدىڭ ەڭ ىقپالدى ادامى رەتىندە تانىدى، دەپ جازادى Bugin.kz پورتالى.
باسىلىم 2022 -جىلدىڭ ەڭ ىقپالدى 100 ادامىن انىقتاۋ ءۇشىن وقىرماندار اراسىندا ساۋالناما جۇرگىزەدى.
زەلەنسكيگە 3,3 ميلليوننان استام ادام داۋىس بەردى. بۇل جالپى داۋىستىڭ %5 ىن قۇرايدى. بىلتىر وسى رەيتينگىدە Tesla جانە SpaceX كومپانيالارىنىڭ باس ديرەكتورى يلون ماسك كوش باستاعان ەدى. ال بيىل ماسك %3,5 داۋىسپەن ەكىنشى ورىنعا جايعاستى. ال ءۇشىنشى ورىندى ۇلى بريتانيا پرەمەر- ءمينيسترى بوريس دجونسون (%3,4) يەلەندى. ءتورتىنشى ورىن كوروناۆيرۋسپەن كۇرەسىپ جاتقان قىزمەتكەرلەرگە بەرىلدى. ال ا ق ش پرەزيدەنتى دجو بايدەن جىلدىڭ ەڭ ىقپالدى ادامدارىنىڭ رەيتينگىسىندە بەسىنشى ورىنعا تۇراقتادى.
2022 -جىلدىڭ ەڭ ىقپالدى ادامدارىنىڭ قورىتىندى ءتىزىمى 23-مامىردا جاريالانادى، وندا وزگەرىستەر بولۋى مۇمكىن.