مەملەكەت باسشىسى كوكشەتاۋدا Bolashaq saraiy عيماراتىنا باردى

None
None
كوكشەتاۋ. قازاقپارات - پرەزيدەنت قاسىم- جومارت توقايەۆ اقمولا وبلىسىنىڭ ورتالىعى كوكشەتاۋ قالاسىنا جۇمىس ساپارى بارىسىندا بالالار مەن جاسوسپىرىمدەرگە ارنالعان 1172 ورىندىق سارايدى ارالاپ كوردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسىنا كورمە زالى، 3D جوبالاۋ لابوراتورياسى، كيبەرقاۋىپسىزدىك، Lego Mindstorms, ونەركاسىپتىك ينتەرنەت زاتتارى، ەلەكترونيكا جانە جاڭارتىلعان ەنەرگيا كوزدەرى كابينەتتەرى تانىستىرىلدى. بالالار كوكشەتاۋداعى بۇل سارايدا عىلىمي- زياتكەرلىك، شىعارماشىلىق جانە سپورت باعىتتارى بويىنشا جۇمىس ىستەيتىن 76 ۇيىرمەدەن قوسىمشا ءبىلىم الادى. سونىمەن قاتار جاستارمەن جانە جاسوسپىرىمدەرمەن جۇمىس جۇرگىزىلەدى. پرەزيدەنت سارايداعى شاكىرتتەرمەن ونلاين رەجيمىندە سويلەسىپ، ولاردىڭ وقۋىنا تابىس تىلەدى.



سوڭعى جاڭالىقتار