قىتاي اۋە جولاۋشىلارىنا COVID-19 تەستىنىڭ تالاپتارىن جەڭىلدەتتى

None
None
بەيجىڭ. قازاقپارات - الەم ەلدەگى ق ح ر ەلشىلىكتەرى قىتايعا ۇشاتىن اۋە جولاۋشىلارىنا كوروناۆيرۋس تەستتەرىنىڭ تالاپتارىن جەڭىلدەتىپ جاتىر، دەپ حابارلايدى قازاقپارات مەنشىكتى ءتىلشىسى.

ق ح ر- دىڭ ا ق ش- تاعى، يسپانياداعى، يتالياداعى، پولشاداعى، يرلاندياداعى، دانياداعى، تايلاندتاعى جانە ەۋروپا مەن ازيانىڭ باسقا دا ءبىرقاتار ەلدەرىندەگى ەلشىلىكتەرى قىتايعا باراتىن شەتەلدىك ازاماتتار ءۇشىن COVID-19 تەستىلەۋ ەرەجەلەرىنە تۇزەتۋ ەنگىزدى. اتاپ ايتقاندا، ۇشاققا وتىرار الدىندا ءبىر جانە ەكى اپتا بۇرىن كەيبىر مىندەتتى پتر تەستتەرى مەن IgM انتيدەنەلەرىن تەكسەرۋ، سونداي- اق مىندەتتى دەنساۋلىق جاعدايىن باقىلاۋ الىنىپ تاستالدى. ونىڭ ورنىنا جولاۋشىلارعا جولعا شىعاردان 48 نەمەسە 24 ساعات بۇرىن ەكى پ ت ر- تەست جانە 12 ساعات ىشىندە انتيدەنەلەرگە ءبىر تەست تاپسىرسا، اۆيارەيستەرگە وتىرۋعا رۇقسات ەتىلەدى.

قىتايدىڭ ءبىرقاتار ديپلوماتيالىق وكىلدىكتەرىنىڭ مالىمدەمەسىندە تالاپتار ءبىرقاتار فاكتورلارعا، سونىڭ ىشىندە قازىرگى ەپيدەميالىق جاعدايعا جانە ۆيرۋس نۇسقالارىنىڭ ەرەكشەلىكتەرىنە بايلانىستى تۇزەتىلگەنى ايتىلعان. 2020 -جىلدان باستاپ قىتاي حالىقارالىق رەيستەر سانىن ەداۋىر قىسقارتتى. بۇل ىندەتتىڭ شەتەلدەن كەلۋىنە جول بەرمەۋ ءۇشىن جاسالدى.

ق ح ر يمميگراتسيا جونىندەگى مەملەكەتتىك باسقارماسىنىڭ مالىمەتىنشە، پاندەمياعا دەيىنگى 2019 -جىلى شامامەن 670 ميلليون ادام قىتاي شەكاراسىنان وتسە، 2021 -جىلى بۇل كورسەتكىش 128 ميلليون ادام بولعان.

اۆتور: اقبوپە ءابدراسۋل


سوڭعى جاڭالىقتار