+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

1,2 млн адамға жұмысқа орналасуға көмек көрсетіледі – Еңбек министрі

2021 жылғы 10 маусым 18:30
Бөлісіңіз:
1,2 млн адамға жұмысқа орналасуға көмек көрсетіледі – Еңбек министрі

НҰР-СҰЛТАН. ҚазАқпарат – 2021 жылы 1,2 млн адам жұмыспен қамтуға жәрдемдесу шараларымен қамтылады. Бұл туралы ҚР Еңбек және халықты әлеуметтік қорғау министрі Серік Шәпкенов халыққа есеп беру кездесуінде айтып берді, деп хабарлайды ҚазАқпарат тілшісі.

Ұқсас жаңалықтар
2021 жылы сауда саласына қанша инвестиция салынды Үкімет қауіпсіз еңбек жағдайларын қамтамасыз етудің іс-қимыл жоспарын бекітті Адам өмірі мен денсаулығына қауіп төндіретін 224 нысанның жұмысы тоқтатылды

Министрдің айтуынша, пандемиядан туындаған қиындықтарға және өткен жылы қабылданған қажетті шектеу шараларына қарамастан, еңбек нарығының негізгі индикаторлары жағдайдың тұрақтылығын көрсеткен. Бұған халықты жұмыспен қамтуға бағытталған жедел шаралар ықпал етті.

«Біріншіден, «Еңбек» мемлекеттік бағдарламасы аясында 2020 жылы 650 мыңға жуық адам қамтылды, олардың 319 мыңы тұрақты жұмыс орындарына орналастырылды. 70 мыңнан астам адам қысқа мерзімді курстарда оқыды және 33 мың адам «Бастау Бизнес» жобасы бойынша кәсіпкерлік негіздеріне оқытылды», – деді Серік Шәпкенов.

Кәсіпкерлік бастамаларды қолдау үшін 13 мыңға жуық жеңілдікті мкрокредит және жаңа бизнес-идеяларды іске асыруға 45 мың қайтарымсыз мемлекеттік грант берілген. Микрокредит алушылар 13,7 мың қосымша жұмыс орнын ашқан.

«Сондай-ақ, өткен жылы «Жұмыспен қамтудың жол картасы» дағдарысқа қарсы бағдарламасы аясында 239 мың адам жұмысқа орналасты, олардың көпшілігі – халықты жұмыспен қамту орталықтарында тіркелген жұмыс іздеушілер мен жұмыссыздар. Жол картасы арқылы 6,7 мың әлеуметтік маңызы бар нысан іске қосылды. Биыл жол картасын іске асыруға 300 млрд теңге қарастырылған. Бөлінген қаражаттың 42,5%-ы халықтың өмір сүру сапасын арттыруға бағытталады. Шамамен 33,3%-ы – агроөнеркәсіптік кешенді дамытуға және 24,2%-ы өңірлерде бизнесті дамытуға және «Атамекен» ҰКП мен жергілікті атқарушы органдардың қатысуымен микрокредит беруге пайдаланылады. Шамамен 41 мың жұмыс орны ашылады, оның 61 пайызы тұрақты жұмыс болады», - дейді С. Шәпкенов.

Еңбек министрінің айтуынша, жалпы 2021 жылы жұмыспен қамтуға жәрдемдесу шараларымен 1,2 млн адам қамтылады, оның ішінде:

- «Еңбек» мемлекеттік бағдарламасы арқылы - 700 мыңнан астам адам;

- Жұмыспен қамтудың жол картасы аясында – 41 мың жұмыс орны құрылады, оның ішінде 28 мыңы тұрақты жұмыс орны болады;

- басқа мемлекеттік бағдарламалар аясында 440 мың жаңа жұмыс орнын құру жоспарлануда.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT