21:13, 31 Наурыз 2020 | GMT +6
1 сәуірден 1 шілдеге дейін МӘМС жүйесінде сақтандырылмаған азаматтар медициналық көмек алады
НҰР-СҰЛТАН. ҚазАқпарат - 1 сәуірден 1 шілдеге дейінгі аралықта медициналық көмекті МӘМС жүйесінде сақтандырылмаған азаматтар да ала алады.
Бұл туралы ҚР Президенті Қасым-Жомарт Тоқаев телеарналар арқылы Қазақстан халқына жолдаған үндеуінде мәлімдеді.
«Міндетті әлеуметтік медициналық сақтандыру жүйесі бойынша сақтандырылмаған азаматтардың медициналық көмек алу құқығын 1 сәуірден 1 шілдеге дейін ұзартуды тапсырамын. Соған байланысты медициналық көмек азаматтарға бұрынғыдай қол жетімді болып қала береді», - деді Мемлекет басшысы.