10 қаңтар күні Қазақстанда өтетін маңызды шаралар тізімі
НҰР-СҰЛТАН
11.00-де Қазақстан Республикасының Сыбайлас жемқорлыққа қарсы іс-қимыл агенттігінде брифинг өтеді.
15:00-де ҚР Президенті жанындағы Орталық коммуникациялар қызметінің алаңында Алматы облысындағы BekAir әуекомпаниясы ұшағының апаты себептерін анықтау бойынша үкіметтік комиссия жұмысының алдын ала болжамы бойынша мәлімдеме жасалады.
15.00-де ҚР Ұлттық академиялық кітапханасында Қазақстан Жазушылар одағының мүшесі, ақын әрі аудармашы Төрегелді Рахманбердіұлы Тұяқбайдың «Сөзбиі - тетралогия» (мың бір сөзбиі кітабы) кітабының тұсаукесері және «Айттым сәлем» атты поэзиялық-музыкалық кеші өтеді.
15.00-де Л.Гумилев атындағы Еуразиялық ұлттық университетінде ҚР Президенті Қасым-Жомарт Тоқаевтың Абай Құнанбаевтың 175 жылдығын атап өту аясында жазған «Абай және XXI ғасырдағы Қазақстан» атты мақаласын талқылауға арналған шара өтеді.
19.00-де «Қазақстан» орталық концерт залында ҚР Ұлттық ұланы Ән-би ансамблінің ХII Гала-концерті өтеді.
АЛМАТЫ
11.00-де «Тұран» университетінде Алматы қаласы Қоғамдық кеңесінің отырысы өтеді: «Алматы қаласының ерекше мәртебесі туралы» ҚР заңы таныстырылады.
11.00-де Алматы қаласы әкімдігінің баспасөз орталығында «Атаулы әлеуметтік көмек көрсетудің жаңа моделі» тақырыбында брифинг өтеді.
11.00-де Алматы менеджмент университетінде «Ақ жол» демократиялық партиясы парламенттік оппозиция туралы заң жобасын талқылауға арналған дөңгелек үстел өткізеді.
11.00-де Қазақстан Республикасы Ұлттық кітапханасының Н.Дәулетова залында «Эльдар Исмаилов Қазақстанда» кітап альбомының тұсаукесері өтеді. Кітап альбом Дүниежүзілік әзербайжандықтар конгресі Төралқасының мүшесі, Алтын қалам иегері, түркі әлемінің ақсақалы Эльдар Исмаиловқа арналған.