06:29, 13 Қазан 2021 | GMT +6
13 қазанда Ақтөбе мен Нұр-Сұлтанда ауа сапасы нашарлайды
НҰР-СҰЛТАН. ҚазАқпарат – Бүгін Қазақстан қалаларының басым бөлігінде жағымды метеорологиялық ахуал күтіледі, деп хабарлайды ҚазАқпарат.
«Қазгидромет» РМК мәліметінше, 13 қазанда Ақтөбе және Нұр-Сұлтан қалаларында ғана қолайсыз метеорологиялық жағдайлар күтіледі.
Қалған аймақтарда метеорологиялық ахуал бірқалыпты болады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.