17 қыркүйекте Қазақстанда өтетін маңызды оқиғаларға шолу
Сағат 10.00-де Astana Marriot Hotel қонақ үйінде Дүниежүзілік бизнес конфедерациясының (World Confederation of Businesses, АҚШ) топ-менеджментінің қатысуымен елордада келесі жылы «Bizz Eurasia 2022» шарасын өткізу туралы баспасөз конференциясы өтеді.
Сағат 10.00-де EU Beach Clean Up халықаралық науқаны мен Дүниежүзілік тазалық күні аясында Есіл өзені тазартылады.
Сағат 11.00-де ҚР Еңбек және халықты әлеуметтік қорғау министрлігінің «Еңбек ресурстарын дамыту орталығы» АҚ «Қазақстанның еңбек нарығы туралы алғашқы ұлттық баяндама» тақырыбында онлайн-конференция өткізеді.
Сағат 11.00-де ҚР Президенті жанындағы Орталық коммуникациялар қызметінде «Astana Ballet» IX театр маусымының ашылуы» тақырыбында баспасөз конференциясы басталады.
Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz.