03:35, 17 Қараша 2020 | GMT +6
18 жастағы қазақстандық футболшы Түркия клубындағы алғашқы кездесуін өткізді
НҰР-СҰЛТАН.ҚазАқпарат – Футболдан Қазақстан жастар құрамасының экс-ойыншысы Микаэль Асқаров Түркияда өнер көрсетеді, деп хабарлайды ҚазАқпарат тілшісі.
Түркияның «Фенербахче» жастар клубында ойнайтын Микаэль 2002 жылы Шымкент қаласында дүниеге келген. Қазақстан азаматтығы бар. 2011 жылы оның ата-анасы Түркияға көшіп кеткен. Дегенмен, футболшы 2018 жылы Қазақстан жастар құрамасының сапында доп тепті.
Микаэль Асқаровтың алғашқы кездесуі 3:3 есебімен аяқталды. Оның командасы «Карагюмрюк» клубына қарсы шықты. Асқаров матчтың 75-минутында орнын әріптесі Гюрканға босатты.
Айта кетейік, Микаэль Асқаров «Фенербахче» сапында Luiz Gustavo, Sinan Gümüş, Mert Hakan Yandaş, Diego Perotti, Kemal Ademi, Pappis Cisse сияқты атақты футболшылармен бірге ойнады.