23 қаңтар күні Қазақстанда болатын маңызды шаралар

НҰР-СҰЛТАН

10:00-де ҚР Парламенті Сенатының отырысы өтеді.

11.00-де Emerald Tower бизнес орталығында «ҚазАқпарат» АҚ мен итальяндық ANSA ақпарат агенттігі арасындағы ынтымақтастық туралы меморандумға қол қою рәсімі болады.

11:00-де «Nur Otan» партиясы ғимаратында «Nur Otan» ХДП төрағасының бірінші орынбасары Бауыржан Байбектің төрағалығымен «Jas Otan» Жастар қанаты Орталық кеңесінің отырысы өтеді.

11:00-де Мәжілісте Ұлттық экономика вице-министрі Жаслан Мәдиев Экономикалық реформа және өңірлік даму комитетінің отырысы аясында бизнес-ахуалды жақсартуға арналған түзетулер туралы заң жобасын ұсынады.

11:00-де «Атамекен» кәсіпкерлер үйінде «Нұр-Сұлтанда туризмнің қандай түрлерін дамыту керек?» тақырыбында есеп беру кездесуі өтеді.

12:20-да Қазақстан Республикасы Президентінің жанындағы Орталық коммуникациялар қызметінде Қазақстан Республикасында коронавирустық инфекцияның алдын-алу бойынша қабылданған шаралар туралы баспасөз конференциясы өтеді.

15:00-де Мәжілістің Экология және табиғатты пайдалану комитетінде атом энергиясын пайдалануға қатысты заңнамаға түзетулер ұсынылады деп жоспарлануда.

15:00-де «Назарбаев Университеті» ААҚ, Р-3 блогы, Қызыл залда «Әлеуметтік қамсыздандырудың жаһандық міндеттері: Жұмыс орнының профилактикасы. Нөлдік өлім идеологиясы» тақырыбында ашық дәріс өтеді.

19:00-де «Қазақстан» орталық концерт залында белгілі композитор, пианист, Қазақстан Республикасының еңбек сіңірген қайраткері Серік Еркімбековтің «Жер дауысы» концерті өтеді.

АЛМАТЫ

11:00-де Қазақстан Республикасының Ұлттық кітапханасында Тұран университетінің ректоры, профессор Алшанов Рахман Алшанұлының «Жиырма мыңжылдық сыры: ізденістер мен ашылулар» кітабының тұсаукесері өтеді.