3 қарашада елордада өтетін маңызды шаралар аңдатпасы

9.00-де Үкімет үйінде Үкімет отырысы өтеді. Күн тәртібінде жылыту маусымы кезіндегі өрт қауіпсіздігі және Түркістан қаласының бас жоспары қаралады. Үкімет отырысы PrimeMinister.kz сайтында және әлеуметтік желілердегі ресми аккаунттарда онлайн көрсетіледі.

12.00-де Нұр-Сұлтан қаласы әкімдігінің баспасөз орталығында «Қысқы кезеңдегі төтенше жағдайлар» тақырыбында онлайн брифинг өтеді. Оған қалалық ТЖД бастығының орынбасары Есен Байыров қатысады. Баспасөз брифингі елорда әкімдігінің Facеbook-тегі парақшасының тікелей эфирінде өтеді.

16.30-да ҚР Президенті жанындағы Орталық коммуникациялар қызметінде тұрғын үй бағдарламаларының іске асырылуы туралы баспасөз мәслихаты өтеді. Оған ҚР ИИДМ Құрылыс және тұрғын үй коммуналдық шаруашылық істер комитетінің төрағасы Мархабат Жайымбетов және «Қазақстанның тұрғын үй құрылыс жинақ банкі» АҚ Орталық филиалының директоры Жансұлтан Матаев қатысады.