13:27, 15 Маусым 2020 | GMT +6
Абайдың 175 жылдығы: Жидебайдың халықаралық атласы жасалады
СЕМЕЙ. ҚазАқпарат – Семей қаласында ұлы Абай тұрған Жидебай елді мекенінің халықаралық атласы жасалады, деп хабарлайды ҚазАқпарат тілшісі.
Абай атындағы мемлекеттік тарихи-мәдени қорық-мұражайының директоры Тұрдықұл Шаңбайдың айтуынша, атлас ақынның 175 жылдығына орай Абай академиясымен бірлесіп әзірленеді және үш тілде басып шығарылады.
«Жидебай аумағы - 6 мың 400 гектар. Атласты құру мақсатында дарынды фотографтарды жинадым. Басылымда Жидебайдың флора, фауна, ландшафты, биоалуантүрлілігі мен тарихи жерлері көрсетіледі», - деп атап өтті Т.Шаңбай.
Еске сала кетсек, Жидебай жерінде Абайдың мұражай үйі мен кесенесі орналасқан.
Авторы: Орал Ерланұлы