+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Әбілқайыр Ысқақов Павлодардағы экология мәселесін шешудің екі тәсілін айтты

2020 жылғы 14 ақпан 14:51
Бөлісіңіз:
Әбілқайыр Ысқақов Павлодардағы экология мәселесін шешудің екі тәсілін айтты

ПАВЛОДАР. ҚазАқпарат – Павлодар облысының әкімі әкімі Әбілқайыр Ысқақов облыстағы экологиялық мәселені шешудің екі тәсілін атап өтті, деп хабарлайды ҚазАқпарат тілшісі.

Ұқсас жаңалықтар
Петропавлда қоқысты жинап, өңдеумен 12 кәсіпорын айналысады Атырауда Жайық өзенінің жағасынан 28 тонна қоқыс жиналды Түркістан қаласының әкімі шаһарды көгалдандыру жұмыстарымен танысты

«Негізгі мәселе – ластаушы заттардың мөлшері. 2019 жылы ол 717 мың тоннаны құраған, бұл ел ішіндегі Павлодар облысының антирекорды», - деді Павлодар облысының әкімі Әбілқайыр Ысқақов Естай атындағы Мәдениет үйінде халыққа есеп беру кезінде.

Оның пікірі бойынша, жағдайды жақсартудың екі негізгі тәсілі бар.

«Біріншісі – ең озық қолжетімді технологияларды енгізу. Еуропада осы тәжірибе қоқыстарды 94 пайызға қысқартты, біз де сондай жетістікке жетуге тырысамыз. Ең озық қолжетімді технологияларды енгізген мекемелер қоршаған ортаға эмиссия төлеуден босатылады; енгізбегендердің мөлшерлемесі арта береді. Жақында жаңа Экологиялық кодекс шығады: Экология министрлігі ең озық қолжетімді технологияларды бірінші болып енгізетін топ-50 компанияны іріктеп алды, олардың қатарында –облысымыздағы өнеркәсіп мекемелері бар.

Оның айтуынша, өнеркәсіп мекемелерімен бірлесіп аудандағы қоқыс көлемін қысқартуға барлық мүмкіндік қарастырылған.

«Екінші тәсілі – көгалдандыру. Табиғат пайдаланушылары өздерінің санитарлық зоналарын қажетті нормаға дейін көгалдандыруы қажет. Аудандағы 16 ірі мекеме он пайыз жерді де көгалдандырмайды! Бұл экологиялық мәдениеттің төмен екендігін көрсетеді», - деп атап өтті Ә. Ысқақов.

Павлодар облысының әкімі облыс тұрғындары мен келер ұрпақтың денсаулығы үшін бизнес-қауымдастық пен қарапайым азаматтар арасында экологиялық мәдениетті насихаттап, дамыту керек деп есептейді.


Біздің каналымызға жазылыңыз:

Басты сөздер: Павлодар облысы, Экология,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT