«Ақ жол» демократиялық партиясының белсенділері Шымкентке барды

ШЫМКЕНТ. ҚазАқпарат - Бүгін Азат Перуашев бастаған «Ақ жол» демократиялық партиясының үгіт-насихат тобы Шымкент қаласында болды, деп хабарлайды ҚазАқпарат.

Олар Шымкентте бірқатар шара өткізді. Азат Перуашев алдымен автошеруді ашып берді. Партия белсенділері көлікпен Шымкент әуежайынан Қасірет» мемориалына дейін жүріп өтті.

1935-1938 жылдары елімізде 135 мың қазақстандық қуғын-сүргін құрбаны болды. Олардың 25-мыңы атылды. Сталин лагерлеріне 5 млн адам жер аударылды. Олардың 7 мыңы ОҚО тұрғындары, 2,5 мың адам халық жауы деп атылды. Партия мүшелері «Қасірет» мемориалының жанында саяси қуғын-сүргін құрбандарын еске алып, гүл шоқтарын қойды.

Үгіт-насихат тобы сондай-ақ «Скат» әуе компаниясы АҚ-ның ұжымымен кездесті. Бұл кәсіпорында «Ақ жол» партиясының сайлауалды бағдарламасы туралы баяндалды.

Ал, бұл шарадан соң штаб мүшелері №53 С.Рақымов атындағы орта мектептің еңбек ұжымымен кездесті.

Сондай-ақ «Ақ жолдың» үгіт-насихат тобы «Қырғы базар» сауда орталығының жұмысшыларымен және «KARLSKRONA LC AB» компаниясының ұжымымен жүздесті.