+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Әкім сайлауы белсенді азаматтарға қосымша мүмкіндіктер туғызды – Ерлан Қарин

2021 жылғы 16 шілде 11:05
Бөлісіңіз:
Әкім сайлауы белсенді азаматтарға қосымша мүмкіндіктер туғызды – Ерлан Қарин

НҰР-СҰЛТАН. ҚазАқпарат – Аудандық маңызы бар қалалар мен ауылдардың әкімдерін сайлауға 2297 үміткер тіркелді. Бұл туралы Қазақстан Республикасы Президентінің көмекшісі Ерлан Қарин жазды, деп хабарлайды ҚазАқпарат.

Ұқсас жаңалықтар
Семейде жаңадан сайланған ауыл әкімдері таныстырылды Мұндай сайлау болған емес: Қасым-Жомарт Тоқаев жаңадан сайланған ауыл әкімдерімен әңгімелесті «Бәріне қарсымын» бағаны әкімдер сайлауында азаматтардың балама ұстанымын білдіруіне жол ашты – Ерлан Қарин

«14 шілдеде аудандық маңызы бар қалалардың, ауылдардың, кенттердің және ауылдық округтердің әкімдігіне кандидаттарды тіркеу аяқталды. Республика бойынша сайлауға қатысу үшін жалпы 2582 адам өз кандидатурасын ұсынды, оның 2297-сі немесе 88,9% қажетті тіркеуден өтті. Саяси партия кандидаттары – 878 адам (38,2%)», - деп жазды Е. Қарин Telegram желісіндегі парақшасында.

Президент көмекшісі еліміздің барлық 6 саяси партиясы ауыл әкімдігіне өз кандидаттарын ұсынғанын атап өтті.

Сондай-ақ, үміткерлердің көпшілігі, тіркелгендердің 1419-ы немесе 61,8%-ы – өзін-өзі ұсынғандар.

«Яғни, жаңа нормалар белсенді азаматтар үшін өз әлеуетін іске асыруға қосымша мүмкіндік берді. Мұның бәрі Президенттік саяси реформалардың қоғамда үлкен қызығушылық тудырғанын көрсетеді», - дейді Ерлан Қарин.

Еске сала кетсек, 25 шілдеде еліміз бойынша 730 елдімекеннің әкімі тікелей сайлау арқылы анықталады.

Ел тарихында әкімдер сайлауы алғаш рет 14 өңірде бірдей өткелі тұр. «ҚазАқпарат» халықаралық ақпарат агенттігі осы ауылдардың тізімін ұсынды.

2021 жылдан бастап ауыл әкімдерінің тікелей сайлауын өткізу туралы Президент Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Жолдауында тапсырма берілген болатын.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT