Ақмола облысында 10 жасар баланы пойыз қағып, мерт қылды
Ерейментау ауданы әкімінің орынбасары Баттал Ыбраевтің айтуынша, қайғылы оқиға демалыс күні, 10 мамырда болған. Т еміржол б ала тұратын үйге жақын орналасқан.
«Оқиғаға байланысты тергеу шаралары жүргізіліп жатыр. 4-сынып оқушысы теміржолдың рұқсат етілмеген жерінен өтпек болған. Ол жерде белгіленген теміржол өтпесі жоқ. Одан әрі көпір бар, автобустар жүреді. Бала, өкінішке орай, осы уақытта ересектердің қадағалауынсыз болған», - деп түсіндірді Б.Ыбраев.
Сонымен қатар, Көліктегі полиция департаментінің баспасөз қызметінен мәлім еткендей, аталған факті ҚР ҚК-нің 344-бабы 2-бөлігімен Нұр-Сұлтан станциясындағы желілік полиция басқармасының сотқа дейінгі тергеудің бірыңғай тізіліміне тіркелді.
«Тергеу жүргізілуде. Өзге ақпарат ҚР Қылмыстық іс жүргізу кодексінің 201-бабының талаптарына сәйкес жария етілмейді», - деп толықтырды ведомстводан.