Ақмола облысында егін орағы науқаны аяқталып келеді

None
None
КӨКШЕТАУ. ҚазАқпарат - Өңірде егін орағы жұмыстары қарқынды жүріп жатыр. Биыл диқандар 4,5 миллион гектар алқаптан дәнді және дәнді бұршақ дақылдарын жинауда, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Ведомствоның мәліметінше, облыстың астықты аудандарының бірінде астық жинау жұмыстары аяқталды. Биылғы жылғы жауын-шашынның болмауы және дәнді дақылдардың вегетациялық кезеңінде жоғары температураның болуына қарамастан Есіл ауданының диқандары 438,2 мың гектар егістік алқаптан гектарынан 306,7 мың тонна астық жинады.

«Ауыл шаруашылығы басқармасының ақпараты бойынша, жиналған алқап 4,3 миллион гектардан асты, 3,7 миллион тоннадан астам астық бастырылды. Жалпы, аймақта егін жинау жұмыстары аяқталып келеді. Алдағы күндері Атбасар, Жарқайың және Жақсы аудандары науқанды мәресіне жеткізеді», - деді ведомстводан.

Айта кетсек, Ақмола облысы Қазақстанда өсірілетін бидайдың төрттен бір бөлігін өндіреді. Жыл сайын Ақмола бидайы жақын және алыс шетелдерге экспортталады.

Соңғы жаңалықтар