Ақмола облысында орманда жоғалған ерлі-зайыптылар іздестірілуде

None
None
КӨКШЕТАУ. ҚазАқпарат - Ақмола облысында орманда жоғалған ерлі-зайыптылар іздестірілуде, деп хабарлайды ҚазАқпарат тілшісі облыстық Полиция департаментінің баспасөз қызметіне сілтеме жасап.

Ведомствоның мәліметінше, биылғы жылғы қазанның 20-да түнгі сағат 23:53-те Зеренді аудандық ПБ кезекші бөліміне Айдабол ауылының 36 жастағы тұрғынынан Сандықтау ауданының Құмдыкөл ауылында тұратын әкесі 1955 жылғы Қайыржан Баржақсымұлы Баялин және анасы 1954 жылғы Алтынай Балтақожықызы Баялинаны іздеп табуға көмектесу туралы өтініш түсті.

«Ерлі-зайыптылар қазанның 20-да Зеренді ауданының Қошқарбай ауылына дала жолдарымен бет алған және Зеренді ауданының Викторовка ауылының маңындағы орман алқабында адасып кеткен. Ақау шыққан «Хонда автокөлік орманың ішінде қалдырып кеткен. Жоғалған адамдарды іздеуге Зеренді және Сандықтау аудандық полиция бөлімдерінің жеке құрамы бағытталған. Іздеуге жергілікті тұрғындар, еріктілер де тартылды», - деді ведомстводан.

Осы ретте, тәртіп сақшылары жоғалған азаматтардың орналасқан жері туралы қандай да бір мәліметке ие адамдар болса, «102» телефоны арқылы хабарласуын сұрайды.


Соңғы жаңалықтар