16:11, 05 Сәуір 2020 | GMT +6
Ақмола облысында төтенше жағдай режимін бұзғандар 7 тәулікке қамалды
КӨКШЕТАУ. ҚазАқпарат – Ақмола облысында төтенше жағдай режимін бұзғандар ұсталды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, 2020 жылғы сәуірдің 4-де Целиноград ауданының екі тұрғыны Нұр-Сұлтан қаласындағы карантиндік бақылау нысанынан заңсыз өтпек болған. Тәртіп сақшылар ұсталған адамдардың үстінен ҚР ӘҚбК 476 бабы бойынша әкімшілік хаттама толтырды.
«Целиноград аудандық сотының қаулысымен заң бұзушылар 5 тәулікке қамалды», - дейді ведомстводан.
Ақмола полицейлері карантин аймағындағы елді мекен тұрғындарын белгіленген карантин режимі ережесін бұзбауға, тәртіп сақшыларының заңды талабына қарсылық көрсетпеуге және тұрғындардың денсаулығына қауіпке тудырмауға шақырады.