Ақмола облысының бас полицейі қаза тапқан әріптесінің отбасын мерекемен құттықтады

«Полицияның аға сержанты Анатолий Дробчак 20 жылдан астам уақыт ішкі істер органдарында қызмет етті, 2012 жылы ол қызметтік міндеттерін атқару кезінде қайтыс болды», - деді ведомстводан.

Департамент басшысы марқұмның жесірін келе жатқан мерекемен құттықтап, оған сыйлық пен гүл сыйлады.

«Сіздің жан жолдасыңыз, біздің әріптесіміз Анатолий Евстахиевич өмірін Отанға адал қызмет етуге арнады. Ол бүгінгі полиция қызметкерлеріне - үлгі-өнеге. Анатолий Евстахиевичтің есімі біздің жадынымызда мәңгі сақталған», - дей келе, ведомство басшысы оның отбасы мен туыстарына төзімділік үшін алғыс білдірді.

Сондай-ақ, А.Баймурзин көпбалалы отбасының әлеуметтік-тұрмыстық жағдайын сұрап біліп, Анатолий Евстахиевичтің жақындары әрқашан полиция тарапынан көмек пен қолдау көрсететінін атап өтті.

«Қазақстан тәуелсіздік алғаннан кейін 700-ден астам полиция қызметкері, соның ішінде ақмолалық тәртіп сақшылары қаза тапты. Олар туралы естелік әріптестерінің жүрегінде мәңгі қалады. Полиция қызметкерлері әрқашан әріптестерінің отбасыларына көмек қолын созуға дайын. Қаза болған полицейлердің аналары, жесірлері мен балалары олардың есінде және қамқорлығында», - деп толықтырды ведомстводан.