Ақмолалық ұстаздар халықаралық байқауда жүлдегер атанды
Ведомствоның мәліметі бойынша, желтоқсанның 1-2 күндері Алматы қаласында Математика мұғалімдерінің республикалық қауымдастығының ұйымдастыруымен математика, физика және информатика пәндері бойынша VII-ші Халықаралық шығармашылық байқауы өтті. Шараға Қазақстан, Өзбекстан және Қырғызстан Республикаларынан барлығы 170 мұғалім қатысты.
«Жалпы, командалық есепте Ақмола облысы командасы жүлделі 3-ші орын алды. Оның ішінде Бурабай ауданындағы С.Сейфуллин атындағы орта мектептің физика пәнінің мұғалімі Дмитрий Лозинский 2-ші дәрежелі дипломмен, Көкшетаудағы М. Ғабдуллин атындағы №3 мамандандырылған мектеп-гимназиясының информатика пәнінің мұғалімі Еркін Хавдеш 3-ші дәрежелі дипломмен марапатталды. Сонымен қатар, облыстан барған 6 мұғалім пән бойынша жүйелі және сапалы жұмысы мақтау қағазына ие болды», - дейді ведомствоның баспасөз қызметіндегілер.