АҚШ-та оқушы мектепке қарумен келіп үш адамды атып өлтірді

None
None
МИЧИГАН. ҚазАқпарат – АҚШ-тың Мичиган штатындағы мектептің бірінде 15 жастағы жасөспірім үш оқушыны атып өлтірді және тағы сегіз адамды жарақаттады, соның ішінде мұғалім де бар, деп хабарлайды ҚазАқпарат ВВС-ге сілтеме жасап.

Шабуылдың құрбандары 16 жастағы мектеп оқушысы және 14 және 17 жастағы қыздар. Зардап шеккендердің екеуіне ота жасалды, жарақат алған тағы алты адамның жағдайы ауыр. Иығынан жараланған мұғалім ауруханадан шығарылды.

Полицияның хабарлауынша, оқ атқан оқушы өткен жұма күні әкесі сатып алған жартылай автоматты тапаншаны қолданған.

Оқиғаның қалай өрбігені әлі белгісіз. Тергеушілер жасөспірім қаруды мектепке сөмкесіне салып әкелген, сосын дәретханаға апарып, сол жерден алып шығуы мүмкін деп болжайды. Оқушылар шабуыл кезінде парталардың астына тығылғандарын айтты.


Соңғы жаңалықтар