18:52, 18 Қазан 2021 | GMT +6
АҚШ-тың бұрынғы мемлекеттік хатшысы Колин Пауэлл коронавирустан көз жұмды
ВАШИНГТОН. ҚазАқпарат - АҚШ-тың бұрынғы мемлекеттік хатшысы Колин Пауэлл COVID-19 салдарынан қайтыс болды. Бұл туралы саясаткердің отбасы мәлім етті. Ол 84 жаста болған, деп хабарлайды ҚазАқпарат Euronews-ке сілтеме жасап.
Колин Пауэлл — АҚШ-тағы танымал мемлекет қайраткерлерінің бірі.
Ол президент Рональд Рейганның көмекшісі болған, кейін 1990 жылдардың басында АҚШ ҚК штаб бастығы комитетінің төрағасы қызметін атқарған.
2001-2005 жылдары Пауэлл кіші Джордж Буш президенті жанындағы мемлекеттік департаментті басқарған.
Ол 2003 жылдың ақпанында БҰҰ Қауіпсіздік кеңесінің отырысында «химиялық және бактериологиялық қару қолданды» деп мәлімдеп Иракқа әскер енгізуді ұсынды.