20:56, 10 Қазан 2019 | GMT +6
Ақтауда Әбіш Кекілбайұлына арналған фотокөрме өтті
АҚТАУ. ҚазАқпарат - Әбіш Кекілбайұлының 80 жылдығына орай Абай атындағы мәдени-демалыс кешенінде фотокөрме ұйымдастырылды, деп хабарлайды ҚазАқпарат тілшісі.
Көрмеде абыз тұлға, қаламгердің көзі тірісіндегі 80-нен астам суреті қойылған. Әбіш Кекілбайұлы өмірінің ең жарқын сәттері бейнеленген фотолар көрермен көңілінен шықты. Көрме арқылы абыз тұлғаның тек қаламгер ғана емес, саналы ғұмырын қазақ руханиятының өсіп-өркендеуіне арнаған саясаткер екенін және Қазақстанның дамуындағы рөлін айқын көре аламыз.
Көрме авторы Серік Майемеровтың айтуынша, ең алғашқы суреттер 2005 жылы түсірілген.
«Көрмені 4 тақырыпқа бөлдім. Мұнда замандастарымен, әсіресе Фариза Оңғарсыновамен бірге жүрген шақтары, қызметтегі әріптестерімен, Елбасымен бірге түскен суреттері көп»,-дейді автор.