23:00, 31 Шілде 2020 | GMT +6
Ақтауда демалыс орындарының бірінде мейрамхана өртенді
АҚТАУ. ҚазАқпарат - Ақтауда демалыс орындарының бірінің мейрамханасы өртенді. Өрттен демалып жатқандардың ешқайсысы зардап шеккен жоқ, деп хабарлайды Маңғыстау облыстық Төтенше жағдайлар департаментінің өрт сөндіру және апаттан құтқару қызметінің бастығы Назарәлі Селімов.
Бұл туралы ҚазАқпарат tumba.kz сайтына сілтеме жасап.
Оқиға бүгін, 31 шілде күні «Сигл» демалыс орнында болды.
«Кезекшілік бөліміне өрт туралы хабар сағат 18:23 минутта түскен. Өртті сөндіруге 5 арнайы техника мен 40 өрт сөндіруші жұмылдырылды. Өрт сағат 18:15-те ауыздықталып, 15 минуттан соң толықтай сөндірілді»,-деді Назарәлі Селімов.
Оның сөзінше, жалын шарпыған аймақ 300 шаршы метрді құрады, ал мейрамхананың аумағы 350 шаршы метр.
Өрттің шығу себебі әзірге белгісіз, қазір оны мамандар анықтап жатыр.