+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Ақтөбеде 8 өзеннің арнасын кеңейту жұмыс әлі тоқтап тұр

2021 жылғы 13 қазан 22:00
Бөлісіңіз:
Ақтөбеде 8 өзеннің арнасын кеңейту жұмыс әлі тоқтап тұр

АҚТӨБЕ. ҚазАқпарат – Ақтөбеде кейбір экологиялық жоба аяқталмай қалды. Әлі күнге дейін 8 өзеннің арнасын кеңейту жұмысы тоқтап тұр, деп хабарлайды ҚазАқпарат тілшісі.

Ұқсас жаңалықтар
Ақтау қаласындағы 464 шақырым жылу желісінің 72 проценті әбден тозған Ақтөбеде коронавирус инфекциясын жұқтырған үш жүкті келіншектің жағдайы ауыр Қарағанды облысында ең ескі ЖЭО жаңғыртылады

Ақтөбе облысының экологиялық проблемаларын шешу үшін жол картасы әзірленген. 6 бағытты қамтыған жол картасында кейбір жоба іске аспай қалды. Бұл туралы өңірлік коммуникациялар қызметінде өткен баспасөз мәслихатында облыстық экология департаментінің басшысы Нұржан Аққұл айтты.

«Жалпы құны 826 млн теңге болатын сарқынды сулар тұнбасын кәдеге жарату жобасы қолға алынған еді. Алайда бұл жұмыс көп ұзамай тоқтап қалды. Себебі «Ақтөбегазнефтестрой» ЖШС-і жабдықтардың қымбаттауына байланысты жұмысын тоқтатты. Тапсырыс беруші жосықсыз мердігер деп тану туралы істі сотқа бермек», - деді облыстық Экология департаментінің басшысы Нұржан Аққұл.

Сонымен бірге Ақтөбе қаласында талдардың есебін жүргізу жұмысы тоқтап тұр.

«Жасыл желекті есепке алу жұмысы былтыр басталғанымен, аяқсыз қалды. Мердігер жұмысты толық орындамай, келіспеушілік туындады. Қазір сот арқылы шешіліп жатыр», - деді Нұржан Аққұл.

Жалпы облыс аумағын көгалдандыру жұмысына бес жылдық жоспар құрылған. 30 744 гектар жерге көшет егу жұмысы жүргізілуі тиіс. Қазір 910 гектары игерілді.

«Қала әкімдігі мен «Су шаруашылығын жобалау институты» ЖШС-і арасында келісім бар. Бұл құрылысы тоқтап қалған 8 өзен мәселесіне қатысты шара. Қайта жобалауға 67 миллион теңге қарастырылған. Түзетулер енгізіледі. Келісім жұмыстары әлі жалғасып жатыр. Кейін қоғамдық тыңдау өткізіліп, содан соң ғана жұмыс жалғаспақ», - деді Нұржан Аққұл.

Айта кетейік, 8 өзеннің арнасын кеңейту жұмысы 2019 жылы басталды. Кейін табиғат жанашырлары қарсы шығып, жоба тоқтатылды.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT