17:30, 07 Қараша 2019 | GMT +6
Ақтөбеде мешіттегі садақа жәшігін ұрлаған күдікті ұсталды
АҚТӨБЕ. ҚазАқпарат – Қандыағаш қаласындағы «Нұртай» мешітіне ұрлыққа түскен күдікті ұсталды, деп хабарлайды ҚазАқпарат тілшісі.
«Мешіттегі садақа жәшігін ұрлап кеткен күдікті көп ұзамай ұсталды. Күдікті деструктивті діни ағымда жүрген қала тұрғыны болып шықты. Ал жиналған ақша мұқтаж отбасылар мен балаларға арналған болатын. Жәшікте 200 мың теңге болған», - деді облыстық ПД баспасөз қызметінің жетекшісі Ерболат Сарқұлов.
Қазіргі уақытта аталған факті бойынша ҚК 188-бабының 1-тармағы бойынша сотқа дейінгі тергеу амалдары жүргізілуде.