+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Ақтөбеде облыстық әкімдіктің аппарат басшысы және Хромтау ауданының әкімі тағайындалды

2021 жылғы 25 ақпан 15:16
Бөлісіңіз:
Ақтөбеде облыстық әкімдіктің аппарат басшысы және Хромтау ауданының әкімі тағайындалды

АҚТӨБЕ. ҚазАқпарат – Ақтөбе облысында бірқатар тағайындау болды, деп хабарлайды ҚазАқпарат тілшісі облыс әкімінің баспасөз қызметіне сілтеме жасап.

Ұқсас жаңалықтар
Сауран ауданының алғашқы әкімі тағайындалды Марат Әзілханов ҚХА Төрағасының орынбасары болып тағайындалды Қ.Сәтбаев атындағы Ұлттық ғылыми-зерттеу университетіне жаңа ректор тағайындалды

ҚР Президенті әкімшілігі мен аудандық мәслихат депутаттарының келісімі бойынша облыс әкімі Оңдасын Оразалиннің өкімімен Хромтау ауданының әкімі болып Азамат Бекет тағайындалды.

Азамат Бекет Қазақ гуманитарлық заң университеті мен Экономика және құқық академиясының түлегі.

Еңбек жолын 2004 жылы Астана қаласындағы экономикалық қылмысқа және сыбайлас жемқорлыққа қарсы күрес департаментінің инспекторы болып бастаған.

Әр жылдары Алматы, Астана қалаларының, Батыс Қазақстан, Алматы облыстарының экономикалық қылмысқа және сыбайлас жемқорлыққа қарсы күрес департаменттерінде еңбек етіп, Батыс Қазақстан, Атырау облыстарында туризм, дене шынықтыру және спорт басқармаларын, Атырау облысының Жылыой ауданын басқарды.

2020 жылдың қыркүйек айынан бері Ақтөбе қаласы әкімінің орынбасары қызметін атқарды.

Ал осы Хромтау ауданы әкімі қызметін атқарған Нағымжан Алдияров облыстық құрылыс, сәулет және қала құрылысы басқармасының басшысы болып тағайындалды.

Ол М.Тынышбаев атындағы қазақ мемлекеттік​ көлік және коммуникация академиясының түлегі.

Еңбек жолын 1997-1998 жылдары Ақтөбе қаласындағы «Аққайың» өндірістік кооперативінің бас есепшісі болып​ бастаған. Алға ауданы Маржанбұлақ ауылдық округінің әкімі болды, Ақтөбе қаласының тұрғын үй және коммуналдық​ шаруашылығы, жолаушылар көлігі және автомобиль жолдары​ бөлімін басқарды. Ақтөбе қаласы әкімінің орынбасары, Алға ауданының әкімі лауазымдарын атқарды.

Сонымен бірге Ақтөбе облысы әкімінің аппарат басшысы болып Қайрат Райымқұлов тағайындалды. Ол Әл-Фараби атындағы Қазақ ұлттық университетінің, қазақ гуманитарлық-заң университетінің түлегі.

Еңбек жолын 2010 жылы облыстық қаржы басқармасында жетекші маман болып бастаған. Әр түрлі жылдары Ақтөбе қаласы экономика және қаржы бөлімін, Ақтөбе қаласы әкімінің аппаратын басқарып, облыстық қаржы, экономика және бюджетті жоспарлау басқармаларының басшысы орынбасары болды, облыстық кәсіпкерлік басқармасында басшылық қызмет атқарды.

2020 жылы Президенттің жастар кадрлық резервіне кірді.

2020 жылдың сәуір айынан бастап осы уақытқа дейін Ақтөбе облысының қаржы басқармасын басқарып келді.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT