12:25, 21 Сәуір 2021 | GMT +6
Ақтөбеде «Урал» мотоциклі аударылып, 43 жастағы тұрғын көз жұмды
АҚТӨБЕ. ҚазАқпарат – Байғанин ауданының Ноғайты ауылында «Урал» мотоциклі аударылып, 43 жастағы тұрғын көз жұмды, деп хабарлайды ҚазАқпарат тілшісі.
Байғанин ауданы Ноғайты ауылының 43 жастағы тұрғыны «Урал» мотоциклімен мал іздеуге шыққан. Ол рульге ие бола алмай, оң жағына аударылған.
«Көптеген ауыр дене жарақатымен ер адам Байғанин ауданының орталық ауруханасына жеткізілгенімен, көз жұмды. Аталған факті негізінде Қылмыстық кодекстің «Абайсызда адам өліміне әкеп соққан жол қозғалысы ережесін бұзу» бабы бойынша сотқа дейінгі тергеу жүргізілді», - деді облыстық ПД баспасөз қызметінің жетекшісі Ерболат Сарқұлов.