20:35, 05 Қараша 2021 | GMT +6
Ақтөбеде жаяу жүргіншілер жолынан өтіп бара жатқан оқушы қызды көлік қағып кетті
АҚТӨБЕ. ҚазАқпарат – 4 қараша күні Ақтөбе қаласы маңында УАЗ автокөлігінің жүргізушісі жаяу жүргіншілер жолынан өтіп бара жатқан 11-сынып оқушысын қағып кетті, деп хабарлайды ҚазАқпарат тілшісі облыстың ПД баспасөз қызметіне сілтеме жасап.
Оқиға Қарғалы ауылында болған.
«УАЗ -3163» автокөлігінің 53 жастағы жүргізушісі Б.Момышұлы даңғылымен 8-наурыз көшесі жағынан Матросов көшесіне қарай «Геолог» мәдениет үйіне қарама-қарсы келе жатып, реттелмеген жаяу жүргіншілер өткелінде жолды кесіп өтпек болған жаяу жүргіншіні өткізбей қойған. Зардап шегуші кәмелетке толмаған, 11 сынып оқушысы болып шықты», - деді облыстың ПД баспасөз қызметі Ерболат Сарқұлов.
Жол апаты салдарынан жасөспірім қыз Ақтөбе облыстық балалар ауруханасына жатқызылды.
Авторы: Самал Ендібаева