+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Ақылы жолдардан қанша қаражат түседі

2021 жылғы 6 сәуір 10:48
Бөлісіңіз:
Ақылы жолдардан қанша қаражат түседі

НҰР-СҰЛТАН. ҚазАқпарат –Биыл елдегі ақылы жолдардан 25,6 млрд теңге алым жинау көзделген, деп хабарлайды ҚазАқпарат тілшісі.

Үкімет отырысында жол-көлік инфрақұрылымын дамыту бағытында атқарылып жатқан жұмыстар туралы ақпарат берген Индустрия және инфрақұрылымдық даму министрі Бейбіт Атамқұлов ақылы жолдар мәселесіне тоқталды.

«Реконструкциядан өткен автожолдарды күтіп-ұстау үшін ақылы жолдар іске қосылуда. Ол шығындарды толық жабуға және республикалық бюджетке түсетін жүктемені азайтуға мүмкіндік береді. Асқар Ұзақбайұлы, (Асқар Мамин, ҚР Үкімет басшысы – авт.) Сіздің тапсырмаңызға сәйкес, наурыз айында 5,8 мың шақырым жол ақы алу жүйесі бойынша пайдалануға берілді. Жыл соңына дейін 25,6 млрд теңге алым жиналады деп жоспарланған. Оның 20 млрд теңгесі ақылы учаскелерді күтіп ұстауға, 5,6 млрд теңгесі инвестицияларды қайтаруға бағытталады», - деді ведомство басшысы.

Сондай-ақ, Бейбіт Атамқұлов 2024 жылдың соңына дейін 5,2 мың шақырым жолда реконструкция жұмыстары аяқталғаннан кейін, ақылы жүйе енгізілетінін атап өтті.

Еске салсақ, осы Үкімет отырысында Индустрия және инфрақұрылымдық даму министрі Бейбіт Атамқұлов жергілікті әкімдіктерді жол бойында көрсетілетін қызмет сапасын арттыруға шақырған болатын.

Ведомство жол құрылысы маусымында битум бағасының өсуіне жол бермеу мәселесін пысықтап жатыр.



Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT