12:43, 08 Қараша 2019 | GMT +6
Алдағы демалыс күндері ауа райы қалай болады
НҰР-СҰЛТАН. ҚазАқпарат – Елімізде қайтадан күн суытады. Жаңбыр, қар жауып, көктайғақ болады. деп хабарлайды ҚазАқпарат Қазгидрометке сілтеме жасап.
«Демалыс күндері Қазақстан аумағымен оңтүстік-шығыс бағыттағы атмосфералық ағындар көшеді, сондықтан көптеген облыстарда жауын-шашын, жаңбыр, қар жауып, көктайғақ болады, тұман түсуі ықтимал. Атлантикалық жылы ауа массаларының батыс бағытта жылжуы біртіндеп солтүстік-батысқа ауысады, соған байланысты арктикалық теңіздерден суық ауа массалары келетіндіктен елімізде тағы да күн суытады», делінген 9-11 қарашаға арналған ауа райы болжамында.