15:45, 19 Сәуір 2021 | GMT +6
Алдағы күндері қар жауып, күн суытады
НҰР-СҰЛТАН. ҚазАқпарат – Қазгидромет 20-22 сәуірге арналған ауа райы болжамын жариялады, деп хабарлайды ҚазАқпарат.
«Жауын-шашынның қарға ұласуына және елдің солтүстік жартысында ауа температурасының төмендеуіне себеп болған Скандинавия түбегінің аудандарынан келген суық антициклон Қазақстан арқылы жылжуын жалғастырады. Енді оңтүстік өңірлерде жаңбыр мен қар аралас жауын-шашын, сондай-ақ кей жерлерде 3 градусқа дейін аяз болады», делінген Қазгидромет хабарламасында.