11:31, 13 Қазан 2021 | GMT +6
Алдағы үш күнде күн жылы болады
НҰР-СҰЛТАН. ҚазАқпарат – «Қазгидромет» РМК 14-16 қазан күндері аралығындағы ауа райы болжамын ұсынды, деп хабарлайды ҚазАқпарат.
«Осы күндері ауқымды антициклонның әсерінен Қазақстанның басым бөлігінде жауын-шашынсыз ауа райы сақталады.
Тек 16 қазанда Солтүстік-Батыс циклон жырасының ықпалымен, күндіз Батыс Қазақстан облысының солтүстік-батысында жаңбыр жауады. Еліміздің батысы мен оңтүстігінде желдің күшеюі күтіледі, шаңды дауыл сақталады. Күндіз елдің батысында, солтүстік-батысында 15...23 градус жылы болады.
Республиканың солтүстігінде, шығысында және орталығында – 7...15 жылы, республиканың оңтүстігінде, оңтүстік-шығысында 12....21 жылы болатыны болжанады», - делінген ақпаратта.