«Әлем барысы»: Қазақ пен орыс палуаны чемпиондыққа таласады

АЛМАТЫ. ҚазАқпарат - «Әлем барысы» әлем чемпионатының жартылай финалында Ресей палуаны Роман Бобиков Өзбекстан палуаны Мухсин Хисамиддиновпен белдесті. Тартысты өткен белдесу барысында Ресей палуаны жеңіске жетті, деп хабарлайды ҚазАқпарат тілшісі.

Ұқсас жаңалықтар

Кубада қазақ күресі секциясы ашылды

«Әлем барысы»: Қазақ күресінде орыс палуаны чемпион атанды «Әлем барысы»: Мақсат Исағабылов қола жүлдегер атанды «Әлем барысы»: Айбек Нұғымаров  финалға шықты

Айта кетейік, өткен жылы Ресей палуаны Роман Бобиков Грузия палуаны Гурам Тушишвили боз кілемге шықпағандықтан үшінші орын алған еді. Сол жылдың 23-24 маусымында Батумиде өткен қазақ күресінен бірінші Еуропа чемпионатында ол 100 келіден жоғары салмақ дәрежесінде бас жүлде иеленген.

Ал, биыл ақтық жекпе-жеке дейін жетіп отыр. Енді ол Әлем барысы атану үшін Айбек Нұғымаровпен белдеседі.

Осы белдесуге дейін барлық қарсыласын ұтып келген Айбек Нұғымаровтың «Қазақстан барысы» (2013), «Әлем барысы» (2017), қазақ күресінен 4 дүркін Әлем чемпионы (2010, 2013, 2014, 2016), қазақ күресінен 4 дүркін Азия чемпионы (2008, 2009, 2014, 2018) сынды атақтары бар. Сонымен қатар ҚР еңбек сіңірген спорт шебері, қазақ күресінен халықаралық дәрежедегі спорт шебері атағы бар спортшымыз «Құрмет» орденінің де иегері.