15:12, 14 Қазан 2019 | GMT +6
Алматы әкімдігі жылу желісінің жарылу себебін түсіндірді
АЛМАТЫ. ҚазАқпарат – Алматы әкімдігі жылу желісінде болған апаттың себебін түсіндірді, деп хабарлайды ҚазАқпарат тілшісі.
Баспасөз қызметінің хабарлауынша, 14 қазанда 12:05-те ЖЭО-2 стансасынан ыстық су сағатына 3800 тоннадан 4200-ге артқан кезде құбыр жарылып кеткен.
12:27-де қалалық ТЖД Бөкейханов Райымбек көшелерінің қиылысында батысқа қарай тұста құбыр жарылғаны туралы хабарлама түсті.
Апатты жағдайды ауыздықтау үшін «АлТС» апатты қызметінің қызметкерлері, 18 адам мен 9 техника жұмылдырылды.