10:13, 17 Қаңтар 2022 | GMT +6
Алматы әкімдігінің қызметкерлері «Қазақстан халқына» қорына біркүндік жалақыларын аударады
АЛМАТЫ. ҚазАқпарат - Алматыда қала әкімі Бақытжан Сағынтаевтың төрағалығыменАлматының тыныс-тіршілігін қалпына келтіру жөніндегі қалалық штаб отырысы өтіп жатыр, деп хабарлайды ҚазАқпарат тілшісі.
Штаб отырысында қала әкімі әкімдік қызметкерлері «Қазақстан халқына» қоғамдық әлеуметтік қорына бір күндік жалақысын аударатынын жеткізді.
«Мемлекет басшысы Қасым-Жомарт Тоқаевтың тапсырмасын орындау аясында «Қазақстан халқына» қоғамдық әлеуметтік қор құрылды. Оның басшысы тағайындалды. Осыған байланысты қала әкімдігінің қызметкерлері бір күндік жалақыларын әлеуметтік қорға аудару туралы шешім қабылдады», - деді Бақытжан Сағынтаев.
Еске салсақ, Мемлекет басшысы Қасым-Жомарт Кемелұлы Тоқаевтың тапсырмасы бойынша «Қазақстан халқына» қоғамдық әлеуметтік қоры құрылған болатын.